2019/20-mi
efterskolernerit affaat unitsiinnarneqarput
Ukioq
atuarfiusoq 2019/20 nunarsuaq tamakkerlugu nappaassuarmit tuniluuttumit
COVID-19-imit sunnerneqangaatsiarpoq. Ukiup atuarfiusup ingerlanerani
Danmarkimi efterskolernerit aallartinneqarsimasut 42 pct.-ii
unitsiinnarneqarput, Kalaallillu Nunaanni aamma efterskolernerit 61 pct.-ii
unitsinneqarsimallutik.
Efterskolernerit
aallartinneqarsimasut ataatsimut katillugit 432-upput, 211-llu unitsinneqarput.
Taamaasilluni ataatsimut naammassinnittarnermut procenti 51 pct.-imiilerpoq,
ukiuni kingullerni 75 aamma 80 pct.-it akornanniissimangaluartoq.
Titartagaq 1. 2011/12-imiit 2019/20-mut efterskolernerit aallartinneqartut amerlassusaat, atuarfik malillugu
Najoqqutaq: Naatsorsueqqissaartarfik – Kisitsisaataasivimi kisitsisit takukkit (http://bank.stat.gl/UDNESF).
Efterskole
Villads Villadsen-i atuartunut 80-inut inissaateqartoq Maniitsumi Efterskoli
atuartunut 70-inut inissaateqarpoq. Atuartulli efterskolini aallartittut
amerlassusaat inissaqartitsinermit amerlanerusinnaapput, unitsitsisoqartillugu
atuartut nutaat aallartissinnaasarmata.
2019/20-mi
Kalaallit Nunaanni efterskolernerit aallartinneqartut amerlassusaasa ukiup
siuliani aallartittut amerlaqqatigiinnarpaat, Efterskole Villads Villadsen-imi
75-it aallartissimallutik, Maniitsumi Efterskolimi 76-it aallartittut.
2019/20-mi qallunaat efterskoliini aallartittut ukiup siulianut sanilliullugit
9-nik ikileriarsimapput.
Efterskolernermik
aallartitsisut amerlasuut inuusunnerusut
Amerlanerpaat
ukiumi 16-inik ukioqalerfimminni efterskolernermik aallartitsisarput,
amerlasuullu meeqqat atuarfianni naammasserlaajusarlutik. Ukiumi atuarfiusumi
2019/20-mi atualertut 70 pct.-ii ukiumi 16-iliiffimminni aallartissimasut 11
pct.-ii inuusunnerupput. Taamaallaat Danmarkimi inuusuttut 16-it inorlugit
ukiullit efterskolernermik aallartitsisinnaapput.
16-inik
ukioqalereersimallutik efterskolernermik aallartitsisartut amerlassusaat 2019/20-mi
20 pct.-iusimapput.
Titartagaq 2. 2011/12-imiit 2019/20-mut efterskolernerit aallartinneqartut, ukiut malillugit
Nalunaarut: Ukiup pineqartup naanerani atuartut ukiui malillugit naatsorsuisoqarpoq.
Najoqqutaq: Naatsorsueqqissaartarfik – Kisitsisaataasivimi kisitsisit takukkit (http://bank.stat.gl/UDNESA).
2019/20-mi
efterskolernerit affaat unitsiinnarneqarput
Ukiumi
atuarfiusumi 2019/20-mi atuartut 221-t efterskolernermik naammassinnissimapput,
efterskolernerit aallartinneqarsimasut 52 pct.-iinik annertussusillit. Tamanna
ukiup siulianut naleqqiullugu 28 pct.point-inik appariarneruvoq.
2019/20-mi
Efterskole Villads Villadsen-imi naammassinnittarnermut procenti 37
pct.-iusimavoq, piffissamilu pineqartumi Maniitsumi Efterskoli-mi 41
pct.-iusimalluni. Efterskolilli pilersinneqarneranniit naammassinnittarnermut
procentit aatsaat taamak appasitsigipput.
Kalaallit
Nunaanni efterskolinut sanilliullugit qallunaat efterskolii qaffasinnerusumik
naammassinnittarnermut procenteqarput, 2019/20-milu 58 pct.-iuvoq. Tamannalu
ukiumi sulianit aamma appasinneruvoq, tassani nalinginnaasumik 80 aamma 90
pct.-it akornanni annertussuseqarmat.
Titartagaq 3. 2011/12-imiit 2019/20-mut naammassinnittarnermut procenti, efterskolit malillugit
Najoqqutaq: Naatsorsueqqissaartarfik – Kisitsisaataasivimi kisitsisit takukkit (http://bank.stat.gl/UDNESF).
Ukioqatigiinni
pingasunit amerlanerusut efterskolernermik aallartitsisarput
Ataani takuneqarsinnaapput 1996-imiit 2002-mut ukioqatigiiaat, ukiuni atuarfiusuni 2010/11-mi kiisalu 2019/20-mi efterskolernernik aallartitsisimasut naammassinnissimasullu.
Titartagaq 4.
Ukioqatigiinni efterskolernermik aallartitsisimasut/naammassinnissimasut
amerlassusaat, 1996-imiit 2002-mut ukioqatigiit malillugit
Najoqqutaq: Naatsorsueqqissaartarfik – Kisitsisaataasivimi kisitsisit takukkit (http://bank.stat.gl/UDNESE).
Inuusuttut
2002-mi inunngorsimasut affangajai efterskolernermik aallartitsisimapput, 39
pct.-iilu efterskolernermik naammassinnissimallutik. Siuliini ukioqatigiit
marluk amerlaqqatigaat. Ukioqatigiinni inuit amerlassusaat 1996-imi 909-miit
2002-mi 764-inut ikileriarsimapput.